دعوة

لسان نظيف

الفترة الاخيرة انا و صديقة لي طول النهار و اليل نتكلم سوا
انا بحبها جدا
الفترة دي لسانها بقي زفر و انا بقيت غصب عني زيها
زي ايام ما كنت بشتغل تنفيذ في محطة مصر و كنت اروح اشتم شتايم يعاقب عليها القانون
فكرت فيها و طبعا لاني حسيت ان انا و هي بقينا ذكر مش انثي خالص يعني
قررنا ان الي هيشتم هيدف ربع جنية للتاني
دلوقتي بفكر لا كل شتيمة عليها ربع جنية و هتطلع لله
و للتذكرة فقط
حديث النبي صلي الله عليه وسلم: (هل يكب الناس علي وجوههم في النار إلا حصائد ألسنتهم)، وقوله صلي الله عليه وسلم: (ليس المؤمن بطعان ولا لعان ولا فاحش ولا بذئ)،

ان كانت دعوة ميت التي اطلقها لمدونات بلا بذاءات
انا بأطلق دعوة حياة بلسان طاهر نظيف